ტონერი, ტონიკი, ლოსიონი – რა არის და რისთვის ვიყენებთ მას? | ნინიამ რაო

პირველ რიგში, ხშირად მეკითხებიან არის თუ არა ტონერი აუცილებელი ნაბიჯი კანის მოვლის რუტინაში? არა, არ არის, რადგან დღეს თითქმის ყველა სახის დასაბანი ნეიტრალური PH ბალანსის მქონეა და ის, რასაც თავდაპირველი ტონერები გვპირდებოდა, კანს PH ბალანსის აღდგენა აღარ სჭირდება.

გამომყევით ჩემს ბლოგზე: Instagram-ზე: @niniamrao; Facebook-ზე: @niniamrao

თუმცა, ჩემს რუტინაში ტონერებს დიდი ადგილი უჭირავთ. ძირითადად მაქვს მჟავების (BHA, AHA) შემცველი ტონერები, რომელთა დახმარებით შავ წერტილებს, კომედონებს და კანის სხვადასხვა პრობლემას ვებრძვი. ჩემს კოლექციაში შეხვდებით მარტივი შემადგენლობის, დამატენიანებელ ტონერებს, რომლებიც კანის გაუწყლოების დაძლევაში დამეხმარა.

ამ ბოლო დროს, ბევრი არასწორი ინფორმაცია ვრცელდება, რის გამოც პოსტის დაწერა გადავწყვიტე. მეგობრებო, ტონერი გამწმენდი საშუალება არ არის, ის არ შეიცავს სურფაქტანტებს (Surfactants), როგორც მაგალითად მიცელარული წყალი, ან დასაბანი საშუალებები, შესაბამისად, არ გამოიყენება კანის გასაწმენდად.

გაითვლისწინეთ, რომ თუ ტონერს ბამბის დისკით დაიტანთ კანზე და მას მაკიაჟის ნარჩენები მოყვება, ე.ი თქვენი რუტინა არასწორია, კანს არასწორად ისუფთავებთ და მაკიაჟის ნარჩენებს თქვენი ფორების დახშობის ბედნიერებას ანიჭებთ.

თუ მაკიაჟს და/ან წყალგამძლე მზისგან დამცავს ატარებთ, გამოიყენეთ ორმაგი წმენდის მეთოდი. ნუ დახარჯავთ ზედმეტ ფინანსებს ალკოჰოლის ბაზაზე დამზადებულ და ალერგენების შემცველ კანისთვის არასაჭირო პროდუქტებში.

და მაინც, თუ ტონერის გამოყენება ჩემსავით, თქვენც ბედნიერებას განიჭებთ, უამრავი პროდუქტი არსებობს კარგი შემადგენლობით, რომელთა შერჩევაც კანის ტიპის მიხედვით შეგიძლიათ.

პროდუქტების რეკომენდაციები: