რა არის როზაცეა და როგორ ვებრძოლოთ მას | ნინიამ რაო

რა არის როზაცეა და როგორ ვებრძოლოთ მას? ამ სტატიაში განვიხილავ კანის დაავადებას, რომლის დროსაც კანი ხდება საოცრად მგრძნობიარე გარემო ფაქტორებისა და განსაკუთრებით იმ პროდუქტების მიმართ, რომელსაც მასზე დავიტანთ. როზაცეის სიმპტომებია: სიწითლე, ქავილი, წვა, წითელი წერტილები კანზე, ხშირად ერთვის აკნეც.

კითხვებისთვის და რჩევებისთვის მომწერეთ სოციალურ ქსელებში: Instagram-ზე: @niniamrao; Facebook-ზე: @niniamrao

კარგი იქნება, თუ ეწვევით დერმატოლოგს, რომელიც დაგინიშნავთ სამკურნალო საშუალებებს. როზაცეა ხშირად ტოპიკური, ან ორალური ანტიბიოტიკებითაც იკურნება. თუმცა არსებობს რამდენიმე ზოგადი რჩევა და როზაცეისთვის უსაფრთხო პროდუქტები, რომლებიც მინდა გაგიზიაროთ.

1

გაამარტივეთ სახის მოვლის რუტინა. ნუ გამოიყენებთ ერთად უამრავ პროდუქტს. წმენდა, დატენიანება და დაცვა – ამ სამ მთავარ პუნქტზე კონცენტრირდით.

2

როზაცეის მქონე პაციენტების 82%-S აქვს ძლიერ მგრძნობიარე კანი. დაბანისას გამოიყენეთ გრილი წყალი, ნაზად დაიმასაჟეთ სახე და მოერიდეთ ფიზიკურ ამქერცლავებს, სქრაბებს, სახის ჯაგრისებს და უხეშ პირსახოცებს. გამოიყენეთ ნაზი გამწმენდები საპნის გარეშე. უმჯობესია, არ შეიცავდნენ ალკოჰოლს, პარფიუმს, ეთერზეთებს და ძალიან არ ქაფდებოდნენ.

Gentle Skin Cleanser

სახის დასაბანი გელი, რომელიც არ ქაფდება.

Cetaphil

ყიდვა

3

კვლევების მიხედვით, დამატენიანებელი საცხები ზრდის როზაცეის სამკურნალო საშუალებების ეფექტს, ამიტომ არ გამოგრჩეთ კანის მოვლის უმნიშვნელოვანესი ეტაპი – დატენიანება. სწორედ ამ დროს უნდა მივეხმაროთ კანს ბარიერს აღდგენაში. ვინაიდან, როზაცეას ხშირად ერთვის აკნეც, ეცადეთ, რომ კანის დამატენიანებელი იყოს არაკომედოგენური, სურნელოვანი დანამატებისა და ალკოჰოლის გარეშე. (NON COMEDOGENIC, FRAGRANCE FREE, ALCOHOL FREE) კარგი ინგრედიენტებია სილიკონი, ჰიალურონის მჟავა, ბეტა გლუკანი და კერამიდები.

SKIN RECOVERY CREAM

დამამშვიდებელი დამატენიანებელი მგრძნობიარე კანისთვის.

Avène

ყიდვა

4

მზის მავნე ზემოქმედებისგან კანის დაცვა უმთავრესი და უმნიშვნელოვანესია. დამცავის არჩევისას მინერალური, ანუ ფიზიკური დამცავი ფილტრები ეძებეთ (Zinc Oxyde და titanium Dioxide), რათა არ გამოიწვიოთ კანის დამატებით გაღიზიანება და დაიცვათ ის გარემო ფაქტორებისაგან. SPF30 ან ზევით დამცავი ატარეთ მოღრუბლულ ამინდშიც, ყველა სეზონზე.

UV Clear Tinted Face Sunscreen SPF 46

მზისგან დამცავი მგრძნობიარე და აკნესკენ მიდრეკილი კანისთვის.

EltaMD

ყიდვა

5

კარგი იქნება, თუ მოერიდებით მძიმე, მსუყე მაკიაჟს და ატარებთ შეფერილ დამცავს. აუცილებლად გაითვალისწინეთ, რომ იყოს პარფიუმის გარეშე.

AntiRedness Concealing Day Cream SPF25

მწვანე პიგმენტის მქონე შეფერილი დამცავი.

Eucerin

ყიდვა

6

როზაცეისა და კანის სხვა დაავადებების დროს, არ არის რეკომენდებული სურნელოვანი დანამატების მქონე პროდუქტების გამოყენება. ამიტომ, მოერიდეთ ეთერზეთებს, უსუნო, შემნიღბავ პარფიუმებს. დაიმახსოვრეთ, ნატურალური ყოველთვის არ ნიშნავს უსაფრთხოს.

სამკურნალო საშუალებების რეკომენდაციები: ძალიან კარგი ინგრედიენტია ნიაცინამიდი, აზელიანის მჟავა. ნატურალური ინგრედიენტებიდან ძირტკბილას და ძირტკბილას ფესვის ექსტრაქტი, ასევე Chronium cc. მწვანე პიგმენტის მქონე სხვადასხვა პროდუქტები, ან ქონსილერები კარგად ფარავს სიწითლეს.

პროდუქტების რეკომენდაციები: