საუკეთესო კაბები ,,ოქროს გლობუსის” 78-ე ცერემონიიდან

პანდემიამ რომ ცხოვრების წესი ყველასთვის შეცვალა, ეს აღარავის გვიკვირს. თუმცა ადამიანები ვცდილობთ ადაპტირებულნი ვიყოთ ახალ რეალობასთან და ფეხი ავუწყოთ ცხოვრებას ისეთს, როგორიც არის, მოვიფიქროთ გართობის, მუშაობის, მუზეუმების დათვალიერების, მოგზაურობის, დაჯილდოების ცერემონიების ალტერნატიული მეთოდები. ციფრული ტექნოლოგიების ეპოქაში საბედნიეროდ შესაძლებელია ზემოთ ჩამოთვლილი აქტივობებით სახლიდან გაუსვლელად დავკავდეთ.

მაგალითად, ჰოლივუდის ვარსკვლავებს ხელი არ შეუშალა არსებულმა რეალობამ, რომ „ოქროს გლობუსის“ ცერემონიისთვის საგანგებოდ გამოწყობილიყვნენ, პომპეზური კაბები მოერგოთ. ზოგიერთმა თავის ეზოშივე გაშალა წითელი ხალიჩა და ვირტუალური დაჯილდოების ცერემონიაზე ასე გამოჩნდა.

ეს ალბათ, ყველაზე არასკანდალური ცერემონია ოყო „ოქროს გლობუსის“ დაჯილდოების ისტორიაში. „უხმააურო, ჩუმი და ცოტა უღიმღამოც კი,“ – ასე აფასებენ სოციალურ ქსელში კინოს სამყაროს ერთ-ერთ ყველაზე მნიშვნელოვან ცერემონიას.

თუმცა მიუხედავად ყველაფრისა, გვყავს გამარჯვებულები, გვაქვს ვირტუალური, მაგრამ მაინც – წითელი ხალიჩა და კვლავ ვხედავთ ვარსკვლავებს ულამაზეს სადღესასწაულო კაბებში. ვნახოთ, საუკეთესო კაბები დაჯილდოების 78-ე ცერემონიაზე: